ئىسىس(IS) كابۇلدىكى خىتاي رېستورانىنى زۇلۇم ئاستىدىكى ئۇيغۇرلار ئۈچۈن پارتلاتتىمۇ؟
خەلقارا خەۋەرلەردە، ئاۋغانىستان پايتەختى كابۇلدىكى ناۋ سودا رايونى (Shahr-e-Naw) دا 19-يانۋار يۈز بەرگەن پارتلاشنى ئىسلام دۆلىتى(IS) نىڭ ئاۋغانىستان شۆبىسىنىڭ ئۈستىگە ئالغانلىقى، پارتلاشتا بىر خىتاي پۇقراسى ۋە 6 ئاۋاغانىستان پۇقراسىنىڭ ئۆلگەنلىكى ئىلگىرى سۈرۈلمەكتە.
رۇيتېرسنىڭ بايان قىلىشىچە، IS نىڭ ئاخبارات قانىلى ئېلان قىلغان مەلۇماتىدا، بۇ پارتلاشنىڭ سەۋەبىنى خىتاينىڭ ئۇيغۇرلارغا سېلىۋاتقان زۇلۇمىغا باغلىغان:
«خىتاي ھاكىمىيىتىنىڭ ئۇيغۇرلار ئۈستىدىن يۈرگۈزىۋاتقان جىنايەتلىرى بارغانسىرى ئاشماقتا» دېگەن.
خەۋەرلەردە، كابۇلدىكى بۇ سودا رايونىنىڭ ئاۋغانىستاندىكى ئەڭ كۈچلۈك مۇھاپىزەت ئاستىدىكى تېنىچ جاي ئىكەنلىكى، بۇ خىتاي رېستورانىنى خىتايلار بىلەن ئابدۇل مەجىد ئىسىملىك خىتايلىق بىر مۇسۇلمان ۋە ئابدۇل جاببار ماھموئۇد ئىسىملىك بىر ئاۋغاننىڭ بىرلىشىپ ئاچقانلىقى بايان قىلىنغان. ئۆلگەن خىتايلىق كىشىنىڭ ئىسمى «ئايۇب» دېيىلگەن.
خىتاي رېستورانىنىڭ شېرىكى ئابدۇلمەجىد ۋە پارتلاشتا ئۆلگەن ئايۇب ئۇيغۇر بولىشى مۈمكىنمۇ؟ بۇ ھەقتە ھازىرچە ئېنىق مەلۇمات يوق.
