ئامېرىكا ئاۋام پالاتاسى خىتاي ئىشلىرى ئالاھىدە كومىتېتى يىغىنىدا
ئۇيغۇر ھەرىكىتى تەشكىلاتىنىڭ رەئىسى رۇشەن ئابباس، ئۇيغۇر تەتقىقات مەركىزىنىڭ دىرېكتورى ئابدۇلھاكىم ئىدرىس، RFA ئۇيغۇر بۆلۈمىنىڭ سابىق مۇدىرى ئالىم سېيىتوف، خەلقارا ئوپتىمىزىم نەشرىياتى ژورنىلىنىڭ مۇدىرى Dean Baxendale، شۇنداقلا CFU نىڭ تەشۋىقات ۋە ئاممىۋى ئىشلار بويىچە يۇقۇرى دەرىجىلىك مۇدىرى Franz Matzner قاتارلىقلار ئامېرىكا ئاۋام پالاتاسى خىتاي ئىشلىرى ئالاھىدە كومىتېتى (CECC) تەرىپىدىن ئۆتكۈزۈلگەن خىتاينىڭ داۋاملىشىۋاتقان ئورگان تىجارىتى توغرىسىدىكى گۇۋاھلىق ئاڭلاش يىغىنىغا قاتناشتى.
ئۇلار يىغىن ئەسناسىدا، CECC نىڭ قوش رەئىسلىرىدىن بىرى بولغان Chris Smith ۋە كومىسسار James Walkinshaw بىلەن كۆرۈشۈپ، ئۇلارنىڭ خىتاينىڭ ئورگان ئەتكەسچىلىكى جىنايىتىنى جاۋابكارلىققا تارتىش ھەمدە خىتايدىكى ئادالەتسىزلىكلەرگە ئۇچرىغان دىنىي ۋە مىللىي گورۇپپىلارنى قوغداش ئۈچۈن كۆرسىتىۋاتقان تېرىشچانلىقلىرىغا رەھمەت ئېيىتتى.
