ئابدۇلھاكىم ئىدرىس مالايسىيادا تۇتقۇن قىلىنغان ۋە قوغلاپ چىقىرىلغان
ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىمنىڭ يولدىشى ئابدۇلھاكىم ئىدرىس ئەپەندى خىتاينىڭ بېسىمى بىلەن مالايسىيادا تۇتقۇن قىلىنىپ، بىر مەزىلگىن كېيىن مالايسىيادىن قوغلاپ چىقىرىلغان.
ئۇيغۇر تەتقىقات مەركىزىنىڭ دىرېكتورى ئابدۇلھاكىم ئىدرىس ھەققىدە ئامېرىكادىكى «ئەركىنلىك ئۆيى» (Freedom House)نىڭ بۈگۈن 16-ئاپرىل ئېلان قىلغان «تۇتقۇن قىلىش، رەت قىلىش، قوغلاپ چىقىرىش: خىتاي ھاكىمىيىتىنىڭ قانداق قىلىپ بىر نەپەر ئۇيغۇر زىيالىسى ۋە كىشىلىك ھوقۇق تەشەببۇسچىسىنىڭ ئاۋازىنى ئۆچۈرۈش يولىدىكى ئۇرۇنۇشلىرى» ناملىق زىيارىتىد، ئابدۇلھاكىم ئىدرىس ئەپەندىنىڭ مالايسىيادا خىتاينىڭ چىگرا ھالقىغان باستۇرۇشلىرىنىڭ قۇربانىغا ئايلىنىش جەريانلىرى بايان قىلىنغان.
.
زىيارەتنىڭ بېشىدا شۇنداق ئەسكەرتىلگەن:
ئۇيغۇر تەتقىقات مەركىزىنىڭ رەھبىرى ئابدۇلھاكىم ئىدرىس «ئەركىنلىك ئۆيى» بىلەن بولغان سۇئال-جاۋاب جەريانىدا، خىتاي كوممۇنىستىك پارتىيەسىنىڭ باستۇرۇشلىرىنى ئاشكارىلىغان ئەسەرلىرى سەۋەبلىك، شۇنداقلا ئۇنىڭ ئاۋازىنى بوغۇش ئۈچۈن خىتاي دائىرىلىرىنىڭ ئۇنىڭغا ۋە ئائىلىسىگە قانداق تەھدىتلەرنى سالغانلىقىنى تىلغا ئالدى.
.
ئابدۇلھاكىم ئىدرىس:
.
<<… خىتاي كوممۇنىستىك پارتىيەسىنىڭ چىگرا ھالقىغان باستۇرۇشلىرى، بىزگە ئوخشاشلارنىڭ ئاۋازىلىرىنى بوغۇش ئۈچۈن لايىھېلەنگەن. ئۇلارنىڭ ئائىلەمدىكىلەرنى ۋە گۈلشەن ئابباسنى گۆرۈگە ئېلىۋېلىشى، ئاتام بىلەن بولغان ئالاقەمنى تاكى ئۇ ۋاپات بولغانغا قەدەر ئۈزۈپ تاشلىشى، ئەسلىدە مېنىڭ ئىرادەمنى سۇندۇرۇش ئۈچۈن ئىدى. مەن ئاللىقاچان نۇرغۇن نەرسىلىرىمنى يوقاتقانلىقىم ئۈچۈن، ماڭا قالغان بىردىنبىر يولنىڭ باشقا قېرىنداشلىرىمنىڭمۇ ئوخشاش قىسمەتكە دۇچار بولماسلىقى ئۈچۈن تېخىمۇ قاتتىق كۆرەش قىلىش ئىكەنلىكىنى چۈشەندىم. ئەگەر سۈكۈت يولىنى تاللىغان ياكى ھەرىكەتلىرىمنى چەكلىگەن بولسام، بۇ خىتاي كومپارتىيەسىنىڭ تەھدىتلىرىنىڭ مۇۋەپپىقىيەت قازانغانلىقىدىن دېرەك بېرەتتى. مەن بۇنىڭغا ئەسلا يول قويمايتىم. ئازاپ ئىچىدىكى ئائىلەمنىڭ، تۈرمە ۋە لاگىرلاردا ئۈنىنى چىقىرالمايۋاتقان مىليونلىغان ئۇيغۇرلارنىڭ ئاۋازى بولۇشقا قەرزدارمەن.>>
.
بۇنىڭ تەپسىلاتىنى تۆۋەندىكى ئۇلىنىشتىن كۆرۈڭ:
https://freedomhouse.org/article/detained-denied-deported-how-chinese-authorities-attempted-silence-uyghur-scholar-and?fbclid=IwY2xjawRNgVBleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEesO4AUhFczTAuQLySDB0IhN3-ReBnnvZYSYvV6tcynzXec-ydPZBp0X9pVkQ_aem_2XD4sLpuYVybNpUUM8SlMA
